BODI YA KDCU LTD YATUMBULIWA JIPU NA MRAJISI WA VYAMA VYA USHIRIKA TANZANIA.

Mrajisi  wa  vyama  vya  ushirika  Tanzania  ameivunja  rasmi  bodi  ya  chama  kikuu  cha  ushirika  cha   wilaya  za  Karagwe  na  Kyerwa  cha  Karagwe   District  Cooperative  Union  Ltd(KDCULTD) kwa  tuhuma  mbalimbali  ikiwemo  ubadilifu  wa  pesa  kiasi  cha  shilingi 1.3 billioni  na  baadhi  ya  wajumbe kukiuka  sheria   namba  6  ya  ushirika  ya  mwaka 2013

Uamuzi  huo umetolewa  leo  na  Doroth  Kalikamo  ambaye  alimwakilisha  mrajisi  wa  vyama  vya  ushirika  Tanzania  katika  mkutano  mkuu  wa 29  wa  kawaida  wa  KDCU LT  wa kupitisha  makadirio  ya  bei  ya  msimu  2016/2016  uliofanyika  katika  ukumbi  wa  CCM Kayanga.

Amesema  kuwa  kutokana  na  tuhuma  zilizobainiwa  na  mkuu  wa  wilaya  ya  Karagwe  Deodatus  Kinawiro  kuwasilisha  ripoti  kwao  waliona  zina  ukweli  lakini  na  mrajisi  alifanya  uchunguzi  wake  ikabainika  hizo  zina  ukweli  na  sheria  ya  ushirika  ilikiukwa na  kuisababishia  KDCU  LTD  kupata  hasara.

Kalikamo  amebainisha  kuwa   makosa  yaliyobainiwa  katika  uchunguzi  huo  kuwa  ni  kuwepo  ubadilifu  wa  kiasi  cha  shilingi 1.3  billioni  za  mauzo  ya   msimu  2013/2014  na  fedha  zake  kupatikana  mwaka 2015,nyingine  ni  wajumbe  wa  bodi  hiyo  kuuza  kahawa  bila  kushindanisha  hivyo  kuuza  (Direct  sells) na  kukisababishia  chama  hasara  ya  shilingi 900  milioni.

Ametaja  makosa  mengine  kuwa  makamu  mwenyekiti  wa  bodi  ya  KDCU LTD   Daudi  Magayane  alidanganya  wakati  wa  kujaza  fomu  za  kuwania  nafasi  hiyo   kwani   imegundulika  aliwahi kuhukumiwa  kifungo  cha  miaka 5  na  kutumikia  mwaka  mmoja  kabla  ya  kutoka   kwa  rufaa  pia  alikuwa  askari  Magereza  alifukuzwa  kazi  wakati  sheria  ya  ushirika  inasema  usiwe  umetumikia  kifungo  au  kuhukumiwa.

Aidha  katika  mkutano  huo  ambao  umefanyika  leo  bodi  mpya  ya  watu  saba  itakayodumu  kwa  mwaka  mmoja  imepewa  jukumu la  kusimamia  udhibiti  wa  matumizi  na  kusimamia  menejiment  ili  kuokoa   KDCU  LTD  kwenye  hatari  ya  kufilisika.

Wajumbe  wapya  wa  bodi  ya  KDCU  LTD  iliyochaguliwa  kuongoza  kwa  mwaka  mmoja  ni  Witness  Kabyazi ,Peter Colonery, Anselimi   Alphonce,Fridolin  Faustine  Kasenene, na Ndayamukama  Libenti

Wengine  ni  Theobadi    Mganga  ambaye  amechaguliwa  pia  kuwa  mwenyekiti  wa  KDCU LTD  na  Brighton    Kaijage  amechaguliwa  kuwa  Makamu  mwenyekiti  huku  mwakilishi  wa  bodi   akichaguliwa  Witness   Kabyazi.

Hata  hivyo  bodi  hiyo  imechaguliwa  kufuatia  iliyokuwepo  kutuhumiwa  kwa  ubadilifu  wa  fedha  na  uchunguzi  wa  tuhuma  hizo  bado  unaendelea  kufanyika  chini  ya  vyombo  vya  serikali  vyenye   mamlaka  hizo.