VIONGOZI WAFUNDWA WATAKIWA KUSIMAMIA MAJUKUMU YAO KULIKO KULALAMIKA

Wenyeviti  wa  vitongoji  pamoja  na  watendaji  wa  mamlaka  ya  mji  mdogo  wa Kayanga  wilayani  Karagwe  wametakiwa  kutafakari  na  kujadili  mambo  yenye  tija  kwa maendeleo  ya  wananchi  kuliko  kuendelea  kujadili  vitu  vidogo  ambavyo  havina  maslahi kwa  jamii  na  Taifa.

Kauli  hiyo  imetolewa leo  na  mkuu  wa  wilaya ya  Karagwe  Deodatus  Kinawiro  wakati  akitoa  hotuba  yake  kwa  wajumbe  wa  baraza  la  mamlaka  ya  mji  mdogo  wa  Kayanga  katika  kikao  cha  baraza  hilo  kilichofanyika  katika  ukumbi  wa  kituo  rafiki  cha  vijana  maarufu  kama  Angaza  amesema  kuwa  badala  ya  kukaa  na  kujadili  masuala  madogo  yasiyokuwa  na  tija  kwa  jamii  ni  bora  wakajikita  zaidi  kwenye  mambo  ya  maendeleo  ambayo  yanatija  kwa  jamii  na  Taifa  kwa  ujumla.

Amesema  kuwa  wajumbe  hao  inabidi  kujikita  zaidi  kuweka  mipango  ya  kuendeleza  mamlaka  ya  mji  mdogo  wa  Kayanga  utoke  kwenye   mamlaka  na  kuwa mji  kamili  pia  amebainisha  masuala  ya  mpango  mji ,usafi  wa  mji  na  mambo   mengine  ya  kuundeleza  inabidi  kupewa  kipaombele  cha  kwanza  katika  shughuli  zao  za  kila  siku.

Kinawiro  amewataka  pia   wajumbe  hao  ambao  ni  wenyeviti  wa  vitongoji  vinavyopatikana  kwenye  mamlaka   ya  mji  mdogo  wa  Kayanga  kuwa wabadilike  kifikira   na  kuachana na  utamaduni  wa  kufanya  kazi  kwa  mazoea  na  kuzingatia  muda  waliojiwekea  ili  kuweza kufikia    malengo  yao.

Mwenyekiti  wa  halmashauri  ya  wilaya  ya  Karagwe Walless  Mashanda  ambao  ni  walezi wa  mamlaka  ya  mji  mdogo  wa  Kayanga  amewashauri  wajumbe  hao  kujikita  kwenye  mpango  mkakati kwa  kuweka  utaratibu  wa  kukusanya  ushuru  kama  chanzo  cha  mapato  kitakachoendesha  mamlaka  ya  mji  huo.

Amewataka  pia  kutoa  elimu  ya  ulipaji  kodi kwa  wananchi  haswa  wakazi  wa  mamlaka  ya  mji  mdogo  wa  Kayanga  kwa  kutumia  mikutano  ya  hadhara  na  kwa  kutumia   vyombo  vya  habari  ili  waweze kufikia  lengo  la  makusanyo  kuliko  ilivyo  sasa  ambapo  mwaka  wa  fedha 2015/2016  walitakiwa  kukusanya  million 213  lakini  mpaka  sasa  wamekusanya  million 8  tu  sawa  na  asilimia 3%ya  makusanyo.

Kwa  upande  wake  mkurugenzi   mtendaji  wa  halmashauri  ya  wilaya  ya  Karagwe  Mhandisi  Richard  Ruyango  amewataka  wajumbe  wa  baraza  hilo  kuongeza  kasi  ya  makusanyo  ili  waweze  kupata  fedha  za  kuendesha  mamlaka  ya  mji  mdogo  kwani  kwasasa  halmashauri  inakabiliwa  na  mambo  mengi  ya  matumizi  ya  fedha.

Aidha  katika  kikao  hicho  wajumbe  hao  wameonesha  kuridhishwa  na  kitendo  cha  uongozi  wa  halmashauri  ya  wilaya  kuhudhuria  na  kutoa  ufafanuzi  wa   hoja  kadhaa  zilizokuwa  zinawasumbua  kwa  muda  mrefu  na  leo  kupatiwa  ufumbuzi.

Hata  hivyo  katika  kikao  hicho  kilichokuwa  chini  ya  uenyekiti  wa  mamlaka  ya  mji  mdogo  wa  Kayanga  Amos  Kahwa  amewataka  wajumbe kutekelezwa  yote  yaliyoadhimiwa  kwenye  kikao  cha  leo  na kuwataka  kusimamia  kwa  karibu  shughuli  za  maendeleo  na  haswa  ukusanyaji  wa  mapato  ya  mji  mdogo  wa  Kayanga.