Wakristo wametakiwa kumtegemea
Mwenyezi Mungu katika maisha yao ya hapa Ulimwengu kwani Mungu pekee ndiye
anaweza kuwaepusha na majaribu ya shetani.
Ushauri huo umetolewa na
mwinjilisti Joyce Simoni katika ibada takatifu ya Kanisa la Pentekoste Tanzania
bonde la upako wa Goshen Kayanga.
Mwinjilist Joyce amesema kuwa
wakristo wote wanastahili kumuomba mwenyezi Mungu katika roho na kweli ili
washinde mitego ya shetani na roho chafu zenye kuangamiza imani yao.
Ametaja baadhi baadhi ya dhambi
ambazo zinaweza kuwatenga na Mungu kuwa ni pamoja na chuki
binafi,matusi,udhalimu,wizi,ufisadi,na mambo mengine ambayo yako kinyume na
mapenzi ya Mungu.
Mwinjilist Joyce amewambia waumini
kuwa imani chanzo chake ni kusikia kwa hiyo
wampe Mungu nafasi katika maisha yao na wasibaki na huzuni wala
manunguniko katika mioyo yao kwani Mungu yuko pamoja nao.
Post a Comment