WALENGWA WA TASAF KARAGWE WATAKIWA KUZINGATIA VIGEZO VYA PESA YA RUZUKU

 Walengwa  wa  mpango  wa  kunusuru  Kaya  maskini  wa  Mfuko  wa  maendeleo  ya  Jamii yaani TASAF  III  wilayani Karagwe  wametakiwa  kuhakikisha  wanatimiza  masharti  ya ruzuku  ya  fedha  wanazopokea  ili  kuepusha  malalamiko  yasiyo  ya  lazima  yanayojitokeza  mara  kwa  mara.

Wito  huo  umetolewa  na  Fabian Tibandebage  wakati  akiongea  na  waandishi  wa  habari  wanaozungukia   vituo  mbalimbali  vinavyotumika  kuhawilisisha  fedha  wilayani  hapa  amesema  kutokana  na  baadhi  ya  walengwa  wa  TASAF  wanaopokea  ruzuku  ya  masharti  wasipofanya  hivyo  husababisha  kupokea  pesa  pungufu  na  kusababisha  kuanza  kulalamika.

Ametaja  masharti  ya  ruzuku  hiyo  kuwa  ni  kupeleka  mtoto  Kliniki na  shuleni  hivyo  wasipojaziwa  famu  hizo  na  wahusika  husababisha  kukatwa  pesa  hiyo  ili  aweze  kutimiza  masharti  hiyo.

Kwa  upande  wake  afisa  mtendaji  wa  kijiji  cha  Kanywamagana  kata  ya  Nyakakika Henry Hezironi amesema  changamoto  kubwa  inayowakabili  kwa  sasa  katika  kijiji  hicho  kwenye  zoezi  la  kuhawilisha  fedha hizo  ni  kuwepo  wahamiaji  haramu  ambapo  hivi  sasa  wamebuni  njia  mpya  ya  kujiingiza  kwenye mpango  huo  kwa  ktumia  majina  ya  wenyeji  ambayo  ni  ngumu  kuwatambua.

Hezironi  amebainisha  walengwa  wa  mpango  huo  walioondolewa  kwenye  kijiji  hicho  cha  Kanywamagana  kwa  kukosa  sifa  za  kuendelea  kupokea  pesa  hiyo.

Aidha  Afisa  Maendeleo  ya  jamii   kata  ya  Kibondo  Gloria  Joackimu  amesema  elimu  zaidi  inahitajika  kuendelea  kutolewa  kwa  njia  mbalimbali  kwa  walengwa  kuhakikisha  wanatambua  umuhimu  wa  kutimiza  masharti  ya  ruzuku  kuepusha  usumbufu  wa  kukatwa  fedha.

Hata  hivyo  mafanikio  ya  mpango  wa  kunusuru  kaya  maskini  yamebainishwa  kuwa  yamepatikana  kwa walengwa  kuongeza  matumizi  na  wengine  kuwa  na  miradi  ya  kuwaongezea  kipato.