ZAIDI YA BILLIONI 10 ZATUMIKA KWA KAYA 67669 MKOANI KAGERA KWA MWEZI MACHI/APRIL 2016

Zaidi ya bilioni 10 zimelipwa kwa kaya 67669 mkoani KAGERA katika hawamu tano katika vijiji 506 mkoani hapa.

Akisoma taarifa kwa wananchi wa vijiji vya Kyamukwikwi tarafa Izigo pamoja na kijiji Cha Kabale kata Kagoma halmashauri ya wilaya ya Bukoba  mkuu wa mkoa wa Kagera Meja Jenerali Mstaafu SALUM MUSTAPHA KIJUU  amesema kuwa fedha hizo zimesaidia kuwainulia kipato wananchi.

Amefafanua kuwa kutokana na mradi wa TASAF AWAMU ya  tatu  kudumu kwa miaka kumi wananchi wanatakiwa kuzitumia fedha hizo vizuri ambapo amewataka wakurugenzi wa halmashauri zote mkoani Kagera kusimamia vizuri zoezi la ugawaji pesa kwa wananchi wanaoishi katika kaya masikini.

Aidha Meja  Jeneral Mstaafu   Kijuu ametaja changamoto zinazoukabili mradi wa TASAF 3 pamoja na mambo mengine amesema kuwa baadhi ya wananchi wanatumia fedha vibaya pindi wanapopata pesa hizo.

Baadhi ya wananchi waliopokea fedha za mradi wa TASAF katika awamu hizi waliohojiwa na waandishi wa  wameonesha  furaha  yao.