MKUU WA MKOA MAGESSA MULONGO ATUMBULIWA WANANCHI WA MKOA WA MARA WAMLILIA

Rais  wa  Jamhuri  ya  Muungano  wa  Tanzania Dkt  John Pombe  Magufuli leo  Juni 26   2016 amefanya  mabadiliko  madogo  katika safu  ya   wakuu  wa  mikoa  na  amewateua  wakuu  wa  wilaya  139 huku  uteuzi  wa mkuu  wa  mkoa  wa Mara  Magessa  Mulongo  ukitenguliwa.

Katibu Mkuu  Kiongozi  Balozi  John Kijazi amesema  katika  mabadiliko  hayo  Rais  Magufuli  amemteua  aliyekuwa  mkuu  wa  wilaya  ya  Sengerema Zainabu  R. Telack kuwa  mkuu  wa  Mkoa  wa  Shinyanga  kujaza  nafasi  iliyoachwa  wazi  na  Anna  Kilango  Malecela  ambaye  uteuzi  wake  ulitenguliwa.

Rais  Magufuli  pia  amemteua   Dkt  Binilith  Satano Mahenge  kuwa  mkuu  wa  mkoa  wa Ruvuma  kujaza  nafasi  iliyoachwa  wazi  na aliyekuwa  mkuu  wa  mkoa  Said  Thabit   Mwambungu ambaye  amehamishiwa  ofisi  ya  waziri  mkuu  jijini  Dar  es  salaam  atapangiwa  Kazi  nyingine.

Dkt  Charles    F.Mlingwa  ameteuliwa  kuwa  mkuu  wa  mkoa  wa  Mara  kujaza  nafasi  ya  aliyekuwa  mkuu  wa  mkoa  huo  Stanslaus Magessa  Mulongo  ambaye  uteuzi  wake  umetenguliwa.

Wakuu  wapya   wa  mikoa  walioteuliwa  wataapishwa   siku  ya  jumatano ya  juni 29  2016 saa tatu  kamili  asubuhi  Ikulu  jijini  Dar es  salaam  na mara  baada  ya  kuapishwa  watakula  kiapo  cha  maadili  ya  uongozi.