UTAMADUNI WA KUSIFIA, BILA KUKOSOA SIUPENDI

Utamaduni wa kusifia, bila kukosoa siupendi

    Mhariri,

                TANGU Serikali ya awamu ya tano iingie madarakani chini ya Rais John Magufuli kwa asilimia nyingi imekuwa ni kupongeza hotuba zake utendaji kazi wake hasa utumbuaji majipu.

        Ni kweli usiopingika kuwa Taifa lilikuwa limefikia pabaya kutokana na utendaji mbovu wa serikali zilizopita kuendekeza uswahiba na kuruhu mianya mingi ya rushwa,jambo ambalo limetufanya watanzania kugawanyika katika makundi ya walionacho na wasio nacho.

    Lakini pamoja na uhitaji mkubwa wa Rais wa aina ya Magufuli bado tulihitaji mtu atakaye tumia busara,umakini diplomasia ya kutosha katika kutekeleza majukumu yake.

     Hadi sasa yapo mapungufu yanayofanywa na serikali ya awamu ya tano,lakini watu wanaogopa kuyakosoa wanachokiona nikupongeza tu hii siyo suluhisho la migogoro bali yatarudi yaleyale yaliyopita, kama unampenda Magufuli basi mkosoe.

      Ninaloliona la kwanza tumwambie Rais Magufuli kuwa unatakiwa umakini katika kupunguza mishahara ya watendaji wakuu wa mashirika na taasisi za serrikali inayofikia milioni 45 hadi kufikia milioni 15 baada ya kupunguzwa, bila kufanya utafiti kuna athari nyingi za kiuchumi zinazoweza kuikumba nchi endapo Rais atatekekeleza ahadi yake bila kufanya utafiti utakao mpa majibu sahihi.

  

·       Kitendo kinachofanywa na serikali ya awamu ya tano kupitia waziri mwenye dhamana ya habari Nape Nnauye kutoa agiza kwa kituo cha luninga cha Taifa TBC kutorusha matangazo ya vikao vya bunge moja kwa moja tumweleze Magufuli kuwa ni ukandamizaji wa vyombo vya habari.

·       Watanzania tusiwe wanafiki tumweleze wazi kuwa tunahitaji utumbuaji majipu unaofuata kanuni na sheria,hatushabikii lakini kuna lafu nyingi zizochezwa na wafuasi wake wakiwemo wakuu wa wilaya na mikoa bila kufuata kanuni za utumishi wa umma.

·       Kukurupuka kwa serikali na kufungia baadhi ya magazeti tumweleze magufuli kuwa demokrasia haiendi hivyo  bali ni kutokana na sheria za magazeti zilizopitwa na wakati.

       Rais wangu John Pombe Magufuli yanawezekana kama utatuletea katiba mpya iliyokuwa na pendekezo la Jaji Joseph Warioba lakini kwa mtindo huu hutafanikiwa utaturudisha tuliko toka na yaliyotokea Zanzibar tumeyaona kwa macho.

                                              Na:Mbeki   Mbeki

                                                         Box 31

                                                          KARAGWE.