MAENDELEO YA WILAYA YA KARAGWE YAKO VITABUNI SIYO MIKONONI MWA WANANCHI

                                                                                   Makala

Maendeleo ya wilaya ya karagwe yako vitabuni siyo mikononi mwa wananchi

                                       Na Mbeki Mbeki

       Tunahitaji jamii inayo wajibibika kwa maendeleo yake, maisha bora uchumi endelevu, huduma bora za jamii na amani kama viongozi wataacha maneno matupu waka jielekeza kwenye vitendo.

          Ukisoma Taarifa ya mafanikio ya utekelezaji wa ilani ya uchaguzi  ya chama cha mapinduzi (CCM) utaipenda hasa ile niliyo pata bahati ya kuisoma ya wilaya ya karagwe.mkoa Kagera.

         Maendeleo na mafanikio yanayo zungumzwa yako vitabuni wala hayafanani na hali halisi ya wilaya ya karagwe yenye ardhi nzuri,mifugo mazao ya kila aina na vivutio mbali mbali vya kitalii.

         Inasitikisha kwa wilaya kama ya karagwe ambayo kihistoria ilianza mwaka 1961 nahadi sasa imeongozwa na wakuu wa wilaya 19 hadi kufikia mwaka huu haina kituo cha magari (stendi) uwanja wa michezo, shule ya kidato cha tano na sita wala chuo kikuu hata kimoja.

        Wilaya ya karagwe ina eneo la kilometa za mraba 4,500 kati ya hizo kilometa za mraba  4,342 nieneo la inchi kavu na kilometa za mraba 158 ni eneo la maji na eneo linalo faa kwa kilimo ni Hekta 153,540.

       Kulingana na sensa ya watu na makazi ya mwaka 2012 wilaya ya karagwe ilikuwa na jumla ya watu 332,020 kati ya hao 163,864(wanaume)na 168,156 (wanawake)ambapo ongezeko la watu ni asilimia 2.9.

       Aidha uzalishaji wa zao la kahawa umefikia tani 8,100 kwa mwaka 2015 na miche 526, 000 ya kahawa imezalishwa kwenye vitalu vya wakulima  na makampuni binafisi na kugawiwa kwa kulima sawa na asilimia 52.6.

        Kuongezeka kwa eneo linalo limwa mazo ya chakula na biashara kwa wilaya karagwe kutoka hekta 61,000 kwa mwaka 2010 hadi hekta  82,808.5 mwaka 2015 kunatokana wakulima kuongeza uzalishaji wa mazao mbadala kama Alizeti,maharage tofauti na  kahawa na migomba.

      Lakini maendeleo yanayo zungumuzwa katika ilani yana paswa kuonekana kwa macho siyo vitabuni ,tutakuwa tunajidanganya kama wanafika viongozi wa juu tunawasomea  taarifa hewa kama zinavyo onyesha kwenye vitabu vyao.

   Wilaya imeanzisha mradi mkubwa wa umwagiliaji katika kijji cha Bujuruga kata ya Bugene ambao umegharimu kiasi cha shilingi milioni 600,000,000 wenye hekta 250 tangu mwaka 2009  hakuna jipya linalo onekana pale.

       Mkuu wa wilaya ya karagwe Deodatus kinawilo anasema   mradi  wa umwagiliaji haujakamilika kwa kuwa fedha zilizo kuwa zimetengwa kwa ajili za mradi huo madiwani walizigawana  na kulipana posho.

     Anasema ofisi yake ilimwagiza mkurugenzi mtendaji wa halmashauri  kuzirudisha kutoka kwanye vyanzo vya ndani vya  Halmashauri ili mradi uendelee.

     Kinawilo anasema hadi sasa kiasi cha shilingi milioni 274.7 zimeisha rudishwa na kuwa  baada ya utafiti wa pili walibaini mradi huo  haukuwa na thamani ya shilingi milioni 600,000,000 bali gharama ya mradi ni  shilingi milioni 433.

      Hata hivyo Kinawilo anaeleza kuwa fedha zinazo kuwa  zimelengwa kwenye miradi mbali mbali zimekuwa ziki badilishwa matumizi kulingana na mahitaji makubwa ya wakati huo.

       Anasema milioni 120 zilizo kuwa zimetengwa kwa ajili ya ujenzi wa uwanja wa michezo zilielekezwa kwenye ujenzi wa maabara katika shule za sekondari.

      Uwanja huo ulianza ujenzi kati ya mwaka 2009/2010 na sasa hivi umegeuka kuwa uwanja wa kujifunzia magari  una uhusiano gani na ujenzi wa maabara mwaka 2015? Wananchi wanahoji

      Wakazi wa wilaya ya karagwe hawatashangaa tabia ya viongozi wao kubadili miradi inayo kuwa imebuniwa na wananchi  na baadae viongozi  kuiteka nakuibandika miradi wanayo itaka wao hili limekuwa ni jambo la kawaida katika wilaya ya karagwe.

         Wakitolea mfano ujenzi wa chuo cha ualimu cha karagwe  ambacho bila  kushirikisha  wananchi waliotoa ardhi kimebadilishwa na kuwa  shule ya mchepuo wa sayansi  kidato cha tano wasichana bila kushirikisha wananchi walio kuwa wameibua mradi huo.

         Mdau wa maendeleo Clement Nsherenguzi  amesema tabia ya kubadirisha  matumizi ya mradi  iliyoibuliwa na wananchi inawakatisha tamaa wananchi wapenda maendeleo

     “viongozi  wanaandika kuridhisha  waliojuu yao nakutugeuza sisi kama watu wasioelewa, miradi gani isiyokamilika zaidi ya miaka kumi?”.Anahoji Nsherenguzi

       Anasema mradi wa umwagiliaji wa Bujuruga haukuibuliwa  na wananchi  ndio maana wananchi  walihitaji fidia baada ya kufyekwa mashamba yao kuharibiwa vyanzo vya maji walivyo kuwa wanavitegea.

         Nsherenguzi anasema haijawahi kutokea mkazi wa karagwe kufikiria kulima zao la mpunga wakati chakula chao kikuu ni ndizi, kuwa huu mradi ni ulikusudia kuwanufaisha madiwani kama walivyo gawana fedha za mradi kabla ya kuanza.

         Anasema kuwa siyo kweli kwamba wananchi wa karagwe hawataki maendeleo wala kuchangia shughuli za maendeleo bali tabia za viongozi kutokuwa waaminifu katika utendaji kazi zao.

        Mkurugenzi mtendaji wa Halmashauri aliandika katika kitabu chake Agost 2015 cha taarifa ya mafanikio ya utekerezaji wa ilani ya chama cha mapinduzi (CCM) kuanzia oktoba 2010 hadi julai 2015 mambo ambayo wananchi wanazidi kuhoji na kutoyaona kwa macho.

        Anasema uzalishaji wa nyama umeongezeka kutoka 605,441 mwaka 2010 hadi kilo 628,153 za nyama kwa mwaka 2015 lakushangaza nikwamba mwaka 2010 kilo ya nyama ilikuwa shilingi 2500 na mwaka 2015 kilo ya nyama ni shilingi 5000.

      Anasema ukusanyaji wa mapato yatokanayo na minada ya mifugo yameongezeka kutoka shilingi 34,468,900 mwaka 2010 hadi shilingi 76,526,900 mwaka 2015.

      Lakini katika kikao kazi cha mkuu wa wilaya kinawilo mei  mwaka huu alisema ukusanyaji wa mapato   ya  Halmashauri uko asilimia 68 na haujafikia kiwango nakuwa sisitiza kuongeza jitihada kukusanya mapato.

      Vile vile Mabwawa ya kufugia samaki Richard Ruyango ambaye ni mkurugenzi mtendaji Alisema mabwawa ya kufugia samaki yameongezeka kutoka 3 kwa mwaka 2010 hadi 67 kwa mwaka 2015 na wafugaji 196.

      Kuna maswali ya kujiuliza samaki hawa wanapo ongezeka wanapelekwa wapi? Wanauzwa wapi? au kama wanasafirishwa  ni nchi zipi wanaenda kwani  kuna uhaba mkubwa wa samaki karagwe bei ya samaki ni kuanzia shilingi 5,000 hadi shilingi 10,000 samaki mmoja.

       Kila kunapo kucha maisha ya wakazi wa karagwe yanazidi kuwa magumu huku taarifa  ya Ruyango  ikionyesha pato la mwananchi kwa mwaka (per capital income) limeongezeka kutoka shilingi  200,000 na kwa sasa anasema linakadiriwa  kufikia 520,000 hatujui hizi takwimu  anazitafiti wapi?

     Katika  wilaya yake anasahau kuwa hakuna uongozi shirikishi katika kusimamia kilimo, upatikanaji na  utumiaji pembejeo, utumiaji wazana zana za kilimo na ushirikishaji wa sekta binafsi kuimarisha mashamba darasa na huduma bora za ugani.