Wananchi wa kata Kamuli
wilayani Kyerwa mkoani Kagera wamepongezwa kwa jitihada zao ambazo wamezionyesha katika kufanikisha
uchangiaji na utengenezaji wa madawati kwa kufikisha idadi iliyokusudiwa.
Pongezi hizo zimetolewa na
diwani wa kata ya Kamuli Jonas Vedasto wakati akiwautubia wananchi kwenye
mkutano hadhara katika kijiji cha Rwabigaga katani humo.
Vedasto amesema anawapongeza
wananchi pamoja na viongozi wa eneo hilo kutokana na jitihada zao za kushirikiana na
kufanikisha zoezi hilo la uchangiaji wa madawati ili wanafunzi wapate
mazingira rafiki yakujifunzia.
Hata hivyo amewaasa wananchi
kuendelea kushilikiana na viongozi wao pale inapotokea kuchangia jambo lolote
katika kuboresha maendeleo ili kata hiyo iweze kusonga mbele.
Post a Comment