MADUKA 14 YATEKETEA KWA MOTO JIJINI ARUSHA

 

Moto umeteketeza maduka maduka 14   katika eneo la Mianzini jijini Arusha.

Kamanda wa jeshi la polisi mkoani Arusha, Charles Mkumbo amethibitisha kutokea kwa tukio hilo na kutaja chanzo cha moto huo ulitokana na hitilafu ya umeme iliyoanzia kwenye majokofu yaliyokuwa yamehifadhiwa katika duka mojawapo lililoteketea kwa moto.

Alisema kwamba Moto huo ulianza majira ya saa 11:30 asubuhi ambapo ambapo ulisambaa na kushika mitungi ya gesi iliyolipuka na kusababisha kusambaa kwa kasi na kutekeketeza mali mbalimbali ambazo thamani yake bado haijajulikana.

Baadhi ya mashuhuda wanasema ya kwamba moto huo ulianzia kwenye duka kubwa Mianzini ambapo wamelaumu zimamoto kwamba endapo wangewahi kwenye eneo la tukio hilo wangeweza kuokoa baadhi ya mali zilizoteketea kwa moto.