MARIASALOME: NILIPATA PESA YA KUSOMESHA WATOTO WANGU KUTOKANA NA BIASHARA YA NGONO.

MAKALA

         MariaSalome: Nilipata pesa ya kusomesha watoto wangu kutokana na biashara ya ngono.

                        NA:  MBEKI MBEKI

          Bi Mariasolome Chahola (76) ni mkazi wa kijiji cha Kasharazi kata ya Chonyonyo wilaya ya Karagwe mkoani Kagera,anasimulia alivvo wasomesha watoto kupitia biashara ya ngono.

       Bi Chahola anasema alizaliwa mwaka 1940 kijiji cha Kakuraijo kata ya Kibondo wilaya ya Karagwe kabla ya kuhamia Chonyonyo alikoko weka  makazi yake kwa sasa.

    Ana simulia maisha ya ujana na baadaya kupitia changamoto mbalimbali katika maisha yake katika nchi mbalimbali alizo tembea ikiwemo Uganda.

    Anasema alihitimu darasa la nne katika shule ya msingi kibondo mwaka 1952 akaanza maisha ya kuishi na wazazi wake kabla ya kutolokea Uganda mwaka 1958.

  “Kijana wangu niliamua kwenda Uganda baada ya kuona maisha ya Tanzania yamekuwa magumu kiuchumi.”

    Anasema akiwa Uganda alifanya kazi katika miji mikubwa ya chotela, mbalala Entebe na Kampala biashara yake kubwa ilikuwa ni ngono katika mahotelimakubwa.

      Anaelezea bi Chahola kuwa wateja wake wakubwa walikuwa ni wabunge na mawaziri ambapo ujira wake ulikuwa ni shilingi 20 hadi shilingi 25

       “Na kiasi hicho alikuwa analipwa msichana mwenye umbile zuri na hasa mimi walinipenda sana wakubwa kwa kuwa nilikuwa najiheshimu ninapo kuwa nao kulingana na uzito wa kazi zao Anasema Chahola.

      Anasema amekuwa katika kazi hiyo ya kuuza mwili tangu mwaka 1965 hadi 1977 kwani alianza kazi ya kuuza baa mwaka 1958 hadi 1965 baada ya uhuru wa nchi  hiyo.

      Anasema kazi ya kuuza baa haikumlipa vizuri kama ilivyokuwa ya ngono ambayo ndiyo iliyo muwezesha watoto wake sita (6) ambao nao aliwazaa kwa wanaume tofauti.

       “Nina watoto sita wakike wawili na wakiume wane ambao nimewazaa na wanaume tofauti akiwemo mbunge wa kwanza wa karagwe mheshimiwa Kaneno.

      Aidha anasema watoto wake wote wamebahatika kusima shule na wengine kwa sasa wakiwa wameajiriwa katika ofisi mbalimbali hapa Tanzania na mtaji wake mkubwa ukiwa umetokana na biashara hiyo.

     Anasema akiwa katika kazi yake hiyo alibahatika kufahamiana na viongozi wengi katika serikali ya Uganda na baadae wenzake wakampendekeza kuwa mwenyekiti wa wenzake.

     Katika kutekeleza shughuri aliyopewa alipaswa kuhakikisha mwanamke haingilii mpenzi wa mwenzie hasa hasa kulinda maadili yawenzake.

                  changamoto

     Kwa mjibu wa Bi Chahola anasema kuwa changamoto kubwa aliyoipata kwanza ni ugumu wa lugha ya kiingereza kwani wateja wake wengi walitumia kingereza na huku ametoka Tanzania akiwa amehitimu darasa la nne.

      “Nilijikuta sehemu nilio paswa kujibu ‘YES’ najibu ‘NO’ japo niliokolewa sana na lugha ya kinyankole ambayo inahusiana na lugha ya yetu ya kinyambo “Anaeleza Chahola.

      Anasema biashara hiyo aliifanya kwa uaminifu mkubwa kwa kuwa hakuwahi kupigwa ,kufumaniwa au kuwekewa jeraha lolote na mwanamke mwenzie au mwanaume japo kwa wenzake lilikuwa jambo la kawaida sana.

                                      magonjwa

      Anaeleza kuwa kipindi kile hakukuwa na magonjwa ya kutisha kama ilivyo sasa watu walikuwa wanaambukizwa magonjwa ya zinaa ambayo yalikua yanatibika hasa kwa “CAPSULES”

      “Sasa hivi nguvu  kazi ya Taifa imepotea kutokana na ugonjwa wa UKIMWI (AIDS) ngono isiyo salama sasa hivi ni hatari kwa maisha yako”Anasema Bi Chahola.

      Anasema anawashangaa vijana wa sasa wanao fikilia suala la mapenzi na biashara ya ngono wakati haina maslahi yoyotekwao huku wakijua wameathiri maisha yao.

      Anasema hawaelewi vijana wa kike wanao vaa nguo nusu uchi kwa ajiri ya kutangaza biashara ya miili yao sambamba na wavulana wanao vaa milegezo ya suluari .

       “Nikwambie katika nchi ya Uganda wasichana kwa wanawake tulivaa nguo ndefu kwa kufunika miguu maarufu kama boarding lakini msichana kama ni mzuri aliendelea kuonekana na uzuri, nguo fupi ni udharirishaji haitangazi uzuri”Anasema Bi Chahola

     Anasema wanawake wengi wamechubua ngozi wameiga mitindo mingi ya uvaaji kutoka nchi za magharibi kwa kuchelewa kwani kwa sasa hakuna malipo kutoka kwa

mwana mme yatakayo kufanya ujenge nyumba au kusomesha mtoto kama ilivyo kuwa awali.

         Hata hivyo serikali kupitia bunge inapaswa kutunga sheria zinazo weza kuwabana watu wanao vaa nguo fupi ili nao wahukumiwe sawa na wabakaji kwa kuwa nguo zao zina viashiria vya kubaka na kubakwa.

       Anasema teknolojia mpya imeharibu watoto kwani vijana wengi wanaiga mitindo mbalimbali na miziki isiyoendana na maadili ya kiafrika jambo ambalo limepelekea vijana kuwa wavuta bangi.

       “Sikiliza mwandishi pamoja na uzee wangu aliyetengeneza hizi simu hakuzitengeneza kwa ajili ya mapenzi nafkiri ni kwa ajili ya watu wenye biashara kubwa kubwa lakini vijana wetu kila wakati wanachokonoa ukifuatilia ni mapenzi tu na kwamba sasa hivi ni kifo tu wala hakuna cha mapenzi “Anasema.

       Anasema anayo mengi ya kuzungumza na wazazi,walezi na watoto wa kike kwani pamoja na biashara aliyo fanya ya ngono alijifunza mambo mengi sana yanayoweza kuwa saidia wale wenye  tama ya kujiingiza kwenye biashara hiyo.