MKE WA ASKOFU WA KWANZA WA DAYOSISI YA KARAGWE KKKT ADHULUMIWA ARDHI YA MME WAKE

Mwenyekiti  wa  Baraza  la  Nyumba  na  Ardhi  wilaya  ya  Karagwe Logat  Asei  amewahakikishia  wananchi  kuwa  chombo  hicho  kinatenda  haki  katika  kutekeleza  majukumu  yao  ya  kila  siku  hivyo  kuwataka  kuondoa  shaka wanapofungua  mashauri  yao.

Mwenyekiti  huyo ametoa  kauli  hiyo leo alipotembelea  eneo  la  mgogoro  wa  ardhi  kati  ya  Agnes  Mukuta na  Anderea   Mburumwina  katika  kata  ya  Nyakahanga ambao tayari  baraza  la  nyumba  na  ardhi  Bukoba  lilishatoa  hukumu  yake  Novemba 20,2015 .

Asei  amesema  katika  kupunguza  migogoro  ya  ardhi  baraza  la  nyumba  na  ardhi  litakuwa linachukua  muda  mfupi  kutoa  uamuzi  wa  mashauri  yanayofunguliwa  ili  kuepusha  kuongeza  ukubwa  wa  tatizo.

Kwa upande  wake  Agnes   Mukuta  akionesha  vielelezo vyake kudhibitisha  umiliki  wa eneo  hilo ametoa  nyaraka  zinazoonesha hukumu  zilizotolewa  kuanzia  ngazi ya  kijiji  hadi Baraza la  Nyumba  na  Ardhi  Bukoba   alishinda  shauri  hilo  licha  ya  utekelezaji  wake  kuchelewa.

Aidha, baada ya  kifo cha   Andrea  Mburumwina  aliyekuwa  mlalamikiwa ,kijana wake  Kombe  Anderea alidai kuwa ardhi  hiyo inayolalamikiwa  aliinunua  kutoka  kwa  mkazi mmoja aliyemtaja  kwa  jina  moja  la Karashani.