FURSA KWA WAKULIMA MKOANI KAGERA HII HAPA ICHANGAMKIE

Wakulima Mkoani Kagera wameshauriwa kuchangamkia fursa ya mikopo ya vitendea kazi vya kilimo kwa ajili ya kuboresha kilimo chao na kuachana na kilimo cha kutegemea mvua na mikono pekee.

Ushauri huo umetolewa na Augustino Paul Ofisa Masoko wa Taasisi ya EFTA inayoshughulika na kutoa mikopo ya vifaa vya kilimo kwa wakulima na wajasiriamali.

Paul ameeleza kuwa Taasisi hiyo ya EFTA kwa Mkoa wa Kagera Makao yake yako katika Manispaa ya Bukoba ambapo ameeleza kuwa Mkulima yeyote akitaka mkopo wa vifaa vya kilimo kutoka katika taasisi hiyo wanampa elimu ya kupata mkopo na ndani ya mwezi mmoja anakuwa ameupata.

Amesema vifaa vya kilimo vinavyotolewa na taasisi hiyo ni pamoja na Trekta, mashine ya kupandia(Planter, mashine ya kuvunia (Harvester , na mashine za umwagiliaji kwa ajili ya kuongeza uzalishaji wa Mkulima na kufikia malengo ya Serikali.

Amesema taasisi hiyo katika vifaa inavyovikopesha ni kuanzia vifaa vya million ishirini ambapo katika marejesho mkopaji anapewa muda wa miaka mitatu kuwa amemaliza mkopo huo wa vifaa na ambapo amesema kuwa anaamini katika muda huo mkopaji anakuwa amemaliza marejesho yote.