MAGONJWA YASIYOPEWA KIPAOMBELE KARAGWE YAJADILIWA NA KUWEKEWA MIKAKATI

Wizara ya afya, jinsia ,wazee na watoto kwa kushirikiana na mpango wa wa taifa wa magonjwa yasiyopewa kipaumbele inategemea kufanya kampeni ya utoaji wa dawa za kinga kwa watoto walio na umri kati ya miaka mitano hadi kumi na tano.

Hayo  yamebainishwa  leo  katika  kikao  kilichofanyika  katika  ofisi  ya  mkuu  wa  wilaya  ya  Karagwe   kilichokuwa  na  lengo  la kujadili mikakati  ya  kufanikisaha  zoezi  la  utoaji  chanjo  kwa  magonjwa  yasiyopewa  kipaombele      kwenye  jamii.

Katibu  Tawala  wa  wilaya  ya  Karagwe  Mustafa    Said   amesema  kuwa  ni  muhimu  wazazi, walezi  na  jamii  kwa  ujumla  kutoa  ushirikiano  katika  zoezi  hillo  muhimu  la  kutoa  chanjo  ili  kupunguza magonjwa  hayo kwani  husababisha  watoto  kuacha  masomo  yao.

Amesema  kuwa  zoezi  hilo  la  utoaji  chanjo  litafanyika  katika  kanda  16  zilizopo  nkwenye  wilaya  ya  Karagwe   na  kuongeza  kuwa  ili  watoto  wasipate  madhara  ya  dawa  hizo ni  wajibu  wa  wazazi,walezi  pamoja  na  kamati  za  shule  kuhakikisha  kuwa  chakula  kinapatikana  kabla  ya  kutumia  dawa  hizo.

Kaimu  Mganga  Mkuu  wa  wilaya  ya  Karagwe  Ezikeli  Bulyana  amesema  serikali  imetoa  kiasi  cha  shilingi 100,000   kwa  ajili  ya  kusaidia  shule  kupata  kianzio  cha  kuwapatia  chakula  waqnafunzi lakini  akabainisha  kuwa  kiasi  hicho  halkitoshi  hivyo  kamati  za  shule,wazazi  na  walezi  hawana  budi  kuongeza  nguvu  zao  kwa  kuchangia  ili  kutosheleza  mahitaji  na  kufikia  lengo.

Hata  hivyo  wamebainisha  magonjwa  hayo  yasiyopewa  kipaombele  ni Kichocho,Minyoo  ya  tumbo, Matende na  Mabusha  au  Ngirimaji.