MFANYABIASHARA BUKOBA KAGERA ANASWA NA TANI MBILI ZA SUKARI PAMOJA NA POMBE HARAMU

Jeshi la polisi mkoani KAGERA linamshikilia mfanyabiashara mmoja wa manispaa ya BUKOBA mkazi wa kata Rwamishenye kwa kuhifadhi sukari tani mbili huku  wananchi wakiwa wanaendelea kukosa sukari katika maeneo mbalimbali

Akizungumza na waandishi wa habari  kamanda wa jeshi la polisi mkoani KAGERA AGUSTIN OLLOMI amemtaja anayeshikiliwa ni BENEDICTO BUCHARD ambaye alikuwa ana mifuko 80.

Amebainisha kuwa mtu anayefanya hivyo anawanyanyasa wananchi wenzake ikiwa wanakosa sukari madukani huku yeye akificha sukari ili awauze kwa gharama ya juu.

Katika hatua nyingine mfanyabiashara huyo amekamatwa na pombe haramu aina ya viroba ambavyo vimezuiliwa kuingizwa nchini.

Kwa mujibu wa kamanda OLLOMI amesema kuwa pombe hizo zinatoka nje ya nchi na mfanyabiashara huyo ameingiza pombe hizo kinyume na sheria.