JANGA LA MOTO KARAGWE BADO HAKIJAELEWEKA VIKAO VYA KUJIPANGA VYAENDELEA KUFANYIKA

Vibanda   vilivyoteketea  kwa  moto  kwenye  soko  la  Kayanga   wilayani  Karagwe  Mkoa wa  Kagera  ni  117 kati  ya   vibanda 247 ambapo  thamani  yake  halisi haifahamika  kwani  timu  ya  wataalamu  inaendelea na  zoezi la  tathimini ya  hasara iliyotokea.

Akizungumza  na  waandishi  wa  habari  jana  ofisini  kwa  Mwenyekiti  wa  halmashauri  ya  wilaya  ya  Karagwe Walles  Mashanda  alisema  soko  kuu  la  Kayanga  lilikuwa  na  vibanda    vya  aina  mbili  la  kwanza  vile  ambavyo  vinazunguka  soko  kwa  nje  ambavyo  jumla  yake  ni 112  na  vilivyo  ungua  ni 34  na  mpangaji  alikuwa akilipa  shilingi 25000  kwa  mwezi  hivyo  hasara  yake  kwa  vilivyoungua  ni  shilling 850,000 kama  ushuru  wa  halmashauri.

Alisema  aina  ya  pili  ni  vibanda  vya  ndani  ya  soko  ambavyo  vilikuwa  vimejengwa  kwa  mbao  jumla  yake  ni  135 na  vilivyoungua  ni  vibanda  83  ambavyo  ushuru  wake  kwa  mwezi  ilikuwa  shilingi  10,000 ambapo  jumla  yake  ni  shilling 830,000  kwa  mwezi  hivyo  halmashauri  imepata  hasara  ya  kukosa  ushuru  kwa  mwezi  huu  kwa  shilingi 1,680,000 kwa  vibanda  vyote 117  vilivyoungua.

Mashanda  alisema  hizo  ni  hesabu  za  haraka  lakini  bado  timu  ya  watalaamu  ya  halmashauri  pamoja  na  serikali  kuu  kwa  kushirikiana  na  kamati  ya  ulinzi  na  usalama  inaendelea  na  zoezi  la  kutathimini  hasara  halisi   iliyotokana  na  moto  huo  na  kuomba  wananchi  haswa  wafanyabiashara  waendelee  kuvuta  subira   kwani  kila  hatua  serikali  na  mamlaka  husika  zitawataarifu.

Alitaja  baadhi  ya  mikakati  ya  halmashauri  ya  haraka  waliojadiliana  kwa  leo  katika  kikao  kuwa  ni  pamoja  na  kukusanya  takataka  zilizopo  kwenye  soko  hilo  kwani  kuna  baadhi  ya  watu  hawana  elimu  ya  athari  za  uchafu  kwani  walikuwa  wakiokota  vitu  hata  watoto  kuokota  pipi  kwenye  uchafu  huo.

“Unajua kwenye  eneo  letu  hili  kuna  baadhi  uelewa  wa  masuala  ya  majanga  na  athari  najua  hawana  pale  kuna  mafuta,nguo  vitu  vya  plastiki  viliungua  vinatengeneza  kemicals  sasa  watoto  wanaokota  pipi   wengine  hata  wanadiriki  kutoa  hata  sukari  iliyoungua  hiyo  ni  hatari”Alisema  Mashanda.

Mashanda  alisema  mikakati  mingine  ni  kubomoa  majengo  yaliyoharibiwa  na  moto  hivyo  kujenga  upya  na  kwa  kubadili  miundo  mbinu  kwani  ilyopo  ni  ya  zamani  hivyo  kutakuwepo  milango  mikubwa  ya  kuruhusu  hata  magari  ya  zima moto  kuingia  pindi  tatizo  linapojitokeza.

Aliwataka  wafanyabiashara  na  wananchi  kwa  ujumla  kujenga  tabia  ya  kujiunga  na  Bima  ili  linapotokea  majanga  kama  kunguliwa  nyumba  au  athari  nyingine  iwe  rahisi  kupata  usaidizi  wa  haraka  kuliko  ilivyo sasa.

Mashanda  alielezea  kusikitishwa  kwake  na  vitendo  vya  baadhi  ya  watu  wasio wema  badala  ya  kuokoa  wao  waligeuka  wavamizi  na  wezi  wa  msali  za  waathirika  wa  moto  huo  na  kuongeza  kitendo  hicho  hakivumiliki  na  siyo  cha  kiungwana    kumtendea  mtu.

Mkuu  wa  wilaya  ya  Karagwe  Deodatus  Kinawiro  ambaye  pia  ni  mwenyekiti  wa  kamati  ya  ulinzi  na  usalama  amepiga  marufuku  kwa  mtu  yeyote  kuokota  kitu  chochote  kwenye  eneo  la  soko  lilipoungua   na  atakaye  kiuka agizo  hilo  hatua  kali  zitachukuliwa  dhidi  yake.

Alisema  ulinzi   utaendelea  kuimarishwa  kwenye  eneo  hilo  kwani  kuna  baadhi  ya  mali  za  wafanyabiashara  ambazo  wakati  wa  kuokoa  kuna  vibaka  na  wadokozi  waliiba  mali  hizo.

Hata  hivyo  mkuu  wa  kikosi  cha  zimamoto  wilaya  ya  Karagwe  Peter  Mbale  alisema  kuwa  malalamiko ya  wananchi  kuhusu  ushuru  wa  zima moto  wanaotoa  ni  kuwa  upo  kisheria  na  nitozo  ya  serikali  lakini  akaongeza  kuwa  jitihada  zinaendelea  kufanyika  kuona  kama  gari  litapatikana  la  kuzima  moto  pindi   janga  kama  hili  litajitokeza.

Alisema  kutokana  na  baadhi  ya wafanyabiashara kutozingatia  ushauri  wa  jeshi  la  zimamoto  kwani  wengi  walipuuza  zuio  la  kutopikia  sokoni  humo   na  kutouza  mkaa  lani  watu  walipuuza.

Alisema  ndiyo  maana  hata  jana  hakukwa  na  tatizo  lolote  magari  ya  zimamoto  yaliruhusiwa  mara  moja  wakati  walipowasiliana  kwani  tozo  yao  nayo  ilichangia  kupata  magari  hayo  kwa  haraka  sana.