WANAWAKE 22 TANZANIA HUPOTEZA MAISHA KILA SIKU,WANAOPOTEZA MAISHA KWA MWAKA NI 7,900

Takwimu za hivi karibuni hapa nchini zinaonyesha kwamba kwa mwaka, Tanzania inapoteza kina mama 7,900 kutokana na sababu zitokanazo na ujauzito ambapo Idadi hiyo ni sawa na vifo 22 kwa siku.

Magonjwa yanayoongoza kusababisha vifo vya wazazi nchini na mataifa mengine ni kifafa cha mimba, uzazi pingamizi, kupoteza damu nyingi wakati na baada ya kujifungua na maambukizi baada ya kujifungua.

Ofisa Mawasiliano wa Muungano wa Utepe Mweupe kwa Uzazi Salama, Lydia Kamwaga amesema taarifa nyingi zimeonyesha bado vituo vingi vya afya havitoi huduma za uzazi za dharura kutokana na ukosefu wa vifaa kama vile vya upasuaji.

Waziri wa afya, maendeleo ya jamii, jinsia, wazee na watoto Ummy Mwalimu, ameipongeza zahanati ya Uturo wilayani Mbarali Mkoani Mbeya kwa kuwa imekuwa mfano wa kuigwa Nchini Tanzania kwa kuzuia vifo vitokanavyo na mama wajawazito  na watoto wachanga.

                                    

Aidha, amesema anautambua mchango mkubwa kwa watoa huduma ngazi ya jamii na kwamba Moja ya kipaumbele chake katika wizara hii ni kupunguza vifo vinavyoweza kuzuilika.

                                  

Kwa upande wao baadhi ya wakinamama ndani ya wilaya ya kyela wameeleza sababu zinazotokana na vifo kwa wanawake na watoto pindi walipohojiwa na kituo hiki juu ya sababu zinazosababisha vifo hivyo kushamiri hapa nchini.

                            

Hata hivyo ili kupunguza vifo hivyo inashauriwa kuweka mikakati ya kuzuia akina mama kujifungulia nyumbani na kila mwanaume na mwenza wake kuhakikisha wanahudhuria kliniki kuanzia ujauzito hadi mtoto anapofikisha umri wa miaka mitano.