WALIMU WAONYWA KUTOWARUDISHA NYUMBANI WANAFUNZI KISHA UJI

Wazazi na  walezi  wametakiwa  kuwapeleka  watoto  wao  amabao  wamechaguliwa  kuanza  masomo  ya  kidato  cha  kwanza  na  wale  wanaotakiwa  kuanza  elimu  ya  msingi  kwa  mwaka  huu  ili  waweze  kuanza  masomo  mara  moja.

Wito  huo  umetolewa  na  diwani  wa  Kata  ya  Nyakabanga  Justine  Fidelis  wakati  akizungumza  na  Redio  ya  Jamii  Fadeco amesema  wapo  wanafunzi  wengi  ambao  hawajaripoti shuleni  kwa  kuhofia  kutokuwa  na mahindi  ya  uji  hivyo  akawataka  kuripoti  mara  moja.

Amesema  walimu  wanatakiwa  kutowarudisha  nyumbani  wanafunzi  ambao  wameisharipoti shuleni  kwa  kile  alichoeleza  kuwa  ni  michango ya  mahindi  na  mingineyo  kwa  kufanya  hivyo  ni  kuwanyima  haki  yao.

Fidelis  amewataka  walimu,wazazi,walezi  pamoja  na  viongozi  kutimiza  wajibu  wao  katika  kuwahudumia  wanafunzi  hao  ili  Taifa  liweze  kuwa  na  kizazi  kilichoelimika.

Hata hivyo  wazazi wameaswa kuchangia mchango wa chakula shuleni  na kutosubilia  viongozi kuchukua hatua  za kisheria.