WAUGUZI KUADHIMISHA SIKU YAO HUKU WAKIKABILIWA NA CHANGAMOTO LUKUKI

Wauguzi kote  nchini    wanaungana  na  wauguzi  wenzao  duniani  kuadhimisha  siku  ya  wauguzi ambayo  ni  kumbukumbu ya  Muuguzi  wa  Kwanza  Frolensi  Mitingale ambaye  ni  muasisi  wa  siku  hiyo  kwa  kuelezea  umma changamoto  na  mazingira  magumu  ya  wauguzi  ambayo  aliyapitia  kwa  kuwasha  mishumaa  kuhudumia  watu.

Akiongea na Redio Fadeco afisa muuguzi wa hospitali   teule ya Nyakahanga wilaya ya Karagwe Laingitoni Kishebuka amesema kuwa chimbuko la siku ya wauguzi duniani ni kumbukumbu ya muuguzi wa kwanza  Frolensi Mitingale aliyehasisi huduma hii ya kiuguzi.

Kishebuka amesema licha ya kuwa siku hii   huadhimishwa Mei12 lakini  wauguzi wa wilaya ya Karagwe wao wataadhimisha siku hiyo Ijumaa ya Mei13 mwaka huu   katika uwanja wa mpira Changarawe ulipo mjini Kayanga ambapo wauguzi kutoka hospitali ya Nyakahanga wataungana na wauguzi wa kituo cha afya Kayanga kusherekea siku hiyo.

Ameongeza kuwa maandamano yataanzia katika hospitali ya Nyakahanga hadi kituo cha afya Kayanga ambapo watawatembelea wagonjwa waliolazwa kituoni hapo kwa ajili ya kuwasalimia na kuwapa zawadi siku hiyo.

Hata hivyo baadhi wauguzi wameshauriwa kutanguliza uzalendo kwanza wanapokuwa wanawahudumia wagonjwa licha ya changamoto mbalimbali zinazowakabili.

Siku ya wauguzi ambayo itaazimishwa kesho itaongozwa na kauli mbiu inayosema kuwa wauguzi nguvu ya mabadiliko katika kuboresha huduma za afya kwa jamii.